المؤشر بيعمل إيه بالظبط؟
أي مؤشر فني بيتحسب من نفس المادة الخام: أسعار الإغلاق والأعلى والأدنى، وأحياناً حجم التداول. المعادلة بتلخص الأرقام دي في شكل أسهل في القراية. يعني المؤشر ما عندوش معلومة جديدة مش موجودة في الشارت، هو بيوريك جزء منها بوضوح أكتر. وكل مؤشر بيتحسب على فترة، زي آخر 14 جلسة، فهو دايماً متأخر خطوة عن السعر نفسه.
4 عائلات و4 أسئلة
أسهل طريقة تنظم بيها المؤشرات إنك تسأل: المؤشر ده بيجاوب على أنهي سؤال؟ معظم المؤشرات المشهورة بتقع في واحدة من 4 عائلات:
فيه مؤشرات بتقف على الحدود بين عيلتين، زي MACD اللي بيتحسب من متوسطات الاتجاه وبيتقرا كمان كزخم. التقسيم ده عشان تنظم تفكيرك، مش قانون.
ليه 3 مؤشرات ممكن يبقوا معلومة واحدة؟
الأنفع إنك تسأل أسئلة مختلفة: الاتجاه العام إيه؟ الحركة الأخيرة قوية؟ السعر بيتذبذب قد إيه؟ التداول معاها ولا لأ؟ مؤشر واحد لكل سؤال بيديك صورة أوسع من 5 مؤشرات بيجاوبوا على نفس السؤال.
إزاي تختار؟
- حدد سؤالك الأولعايز تعرف الاتجاه، ولا قوة الحركة، ولا حجم التذبذب؟
- اختار مؤشر واحد من العيلة ديواتعلم تفاصيله كويس: بيتحسب إزاي، وإعداداته الشائعة، وإمتى بيدي قراءة مضللة.
- زود عيلة تانية لو محتاجمؤشر اتجاه ومعاه مؤشر حجم مثلاً، بدل مؤشرين اتجاه.
- افتكر إن الإعدادات بتغير النتيجةفترة قصيرة أسرع وفيها ضوضاء أكتر، وفترة طويلة أهدى وأبطأ.
جرب مؤشرين من عيلتين
افتح أي سهم في فوده لينس، وضيف على الشارت مؤشر اتجاه ومؤشر زخم، وشوف كل واحد فيهم بيوصف إيه.
اختبر نفسك
1. RSI وStochastic RSI الاتنين في منطقتهم العالية. ده معناه إيه؟
2. عايز تعرف السهم بيتحرك قد إيه. تبص على أنهي عيلة؟
الخلاصة
- المؤشر معادلة على الأسعار والحجم اللي فاتوا، بتوصف جانب واحد وبتتأخر عن السعر.
- العائلات الأربعة: الاتجاه والزخم والتذبذب والحجم، وكل عيلة بتجاوب على سؤال.
- مؤشر واحد لكل سؤال أوضح من مؤشرات كتير بتكرر نفس المعلومة.