التوقع بيقول إيه بالظبط؟
بعد إقفال كل جلسة، كل سهم عنده بيانات كافية وصالحة للنموذج بياخد كلمة واحدة للجلسة الجاية: «صاعد» أو «هابط» أو «استقرار». والسهم اللي تاريخه مش كفاية أو بياناته فيها انقطاع يمنع حساب المدخلات ما بيطلعلوش توقع للجلسة دي. الكلمة دي عن إقفال الجلسة الجاية مقارنة بإقفال النهارده، مش عن السهم على المدى الطويل.
بيتعمل إزاي؟
وراه نموذج إحصائي من نوع «أشجار القرار»، متدرب على بيانات الأسهم اليومية من سنة 2016. النموذج محتاج 60 جلسة تاريخية على الأقل قبل ما السهم يدخل الحساب، وبياخد أرقام معروفة كلها عند إقفال النهارده، زي:
بيتحكم عليه إزاي؟
القاعدة ثابتة: لو الإقفال الجديد أعلى من إقفال يوم التوقع بأكتر من 0.5% يبقى «صاعد»، ولو أقل بأكتر من 0.5% يبقى «هابط»، ولو في النص يبقى «استقرار». التوقع صح لما الكلمة تطابق اللي حصل.
فيه جلسات ما بتدخلش السجل خالص: لو السهم اتحرك أكتر من 20.5%، لأن ده غالباً إجراء على السهم زي توزيع أو تجزئة، أو رجوع بعد إيقاف.
تقرا السجل إزاي؟
جنب التوقع بتلاقي سجل: التوقع صح في كام مرة من آخر توقعات السهم ده، وكمان لكل الأسهم من أول يوم. ده سجل لنتايج اتقاست فعلاً، مش وعد باللي جاي.
اختبر نفسك
1. إقفال يوم التوقع 20.00 والإقفال الجديد 19.85. النتيجة إيه؟
2. إزاي تحكم إن نسبة نجاح التوقع كويسة؟
الخلاصة
- التوقع كلمة واحدة للجلسة الجاية: صاعد أو هابط أو استقرار.
- بيتحكم عليه بالإقفال مقابل إقفال يوم التوقع بهامش 0.5%.
- السجل نتايج اتقاست، وتقراه بالمقارنة بقاعدة بسيطة.