البورصة في الآخر سوق. فيه ناس عايزة تشتري أسهم، وناس عايزة تبيع، ومكان منظم بيجمعهم ببعض. في المقال ده هنمشي ورا أمر شراء واحد من أول ما تكتبه لحد ما يبقى صفقة.
البورصة مكان منظم بيتقابل فيه اللي عايز يشتري أسهم مع اللي عايز يبيعها. كل واحد بيحدد السعر والكمية، ونظام التداول الإلكتروني بيوفق بين الأوامر اللي أسعارها بتتقابل.
ومهم تعرف من الأول إن البورصة نفسها مش بتبيعلك أسهم ولا بتشتري منك. هي بتدير المكان والقواعد، والصفقة بتحصل بين مستثمر ومستثمر.
مين بيشارك في الصفقة؟
المستثمرانت، أو أي حد عايز يشتري أو يبيع.
شركة السمسرةالوسيط اللي بتفتح عنده حساب، وهو اللي بيوصل أمرك للبورصة. كمستثمر فرد، عادةً بتتعامل مع السوق عن طريق شركة السمسرة، مش مباشرة مع البورصة.
نظام التداولالكمبيوتر اللي بيجمع أوامر الشراء والبيع لكل سهم، ويوفّق بينها لما السعر يتقابل.
الشركة المقيدةالشركة اللي أسهمها بتتداول. هي مش طرف في الصفقة اليومية.
رحلة أمر الشراء
خلينا نمشي ورا أمر واحد. عندك حساب في شركة سمسرة، وعايز تشتري 100 سهم في شركة متخيلة اسمها «نخلة للأغذية» بسعر 12.50 جنيه للسهم.
1
انت
عايز تشتري 100 سهم بسعر 12.50
2
شركة السمسرة
بتتأكد من رصيدك وتبعت الأمر
3
نظام التداول في البورصة
بيدور على بايع بنفس السعر
4
بايع
عارض 300 سهم بسعر 12.50
5
صفقة
100 سهم × 12.50 = 1,250 جنيه
من أول ما تكتب الأمر لحد ما يبقى صفقة.
بتكتب الأمرمن تطبيق شركة السمسرة أو بالتليفون: اسم السهم، والكمية، والسعر.
شركة السمسرة بتراجعهبتتأكد إن في حسابك فلوس تكفي، وبعدين تبعته لنظام التداول.
النظام بيدور على بايعلو فيه حد عارض السهم بـ12.50 أو أقل، الأمرين بيتقابلوا.
الصفقة بتتسجلأول ما الصفقة تتنفذ، سعرها بيظهر على الشاشة كآخر سعر. أما نقل الأسهم لحسابك والفلوس للبايع فبيحصل بعدها، في التسوية.
مثال بالأرقامالبايع كان عارض 300 سهم بـ12.50. انت اشتريت 100، فالصفقة قيمتها 100 × 12.50 = 1,250 جنيه، ومعاها مصاريف شركة السمسرة (اسألهم عليها). الـ200 سهم الباقيين بيفضلوا معروضين لحد ما مشتري تاني ييجي. ولو مفيش حد عارض بسعرك، أمرك بيفضل مستني ومش بيتنفذ.
فلوسك بتروح لمين؟
خلي بالكناس كتير فاكرة إن لما تشتري سهم، فلوسك بتدخل الشركة. في التداول اليومي ده مش بيحصل: فلوسك بتروح للمستثمر اللي باعلك. الشركة بتاخد فلوس من بيع أسهمها لما تطرحها أول مرة أو تزود رأس مالها، مش كل ما السهم يتباع ويتشرى.
وعشان كده السعر بيتحرك طول الجلسة: كل صفقة جديدة بسعر مختلف بتغير آخر سعر. ليه الناس بتقبل تشتري أغلى أو تبيع أرخص؟ ده موضوع مقال «لماذا ترتفع وتنخفض أسعار الأسهم؟».
شوف السوق وهو شغال
افتح صفحة السوق النهارده، وبص على الأسهم اللي اتعمل عليها صفقات والأسعار اللي اتقفلت بيها.